DAW HPUM YANG DE MYEN HPYEN N GUN KABA DU
May (12) bat Kru
Jinghpaw Mungdaw Laiza-Manmaw lam ntsa Daw Hpum Yang mare de May (10) shana yup tung ten hta Manmaw de na myen asuya hpyen dap n gun kaba hte du shang wa sai lam buga masha ni kawn na chye lu ai. Myen hpyen n gun (1,000) ram rai na re nga buga masha ni kaw tsawm maram ai lam hte n dai myen hpyen hpung ni hte rau myawk mawdaw (Tank) ni mung lawm ai lam matut chye lu ai. Myen hpyen asuya ni gaw Jinghpaw Mungdaw mare daju Myitkyina kawn mung Waimaw hkran de hpyen mawdaw kaba ni hte hpyen n gun shani shagu ngu na ram htaw shalai nag ai lam hpe mugn matut na chye lu ai.
