MYEN HPYEN NI BAN SAU MARE NAT JAHTEN
April (27) bat Manga,
Wunpawng Mungdan Shanglawt Asuya Dap Ba (5) ginra rai nga ai Mali Hka a sinpraw maga Ban Sau Mare du nga ai myen asuya hpyen dap n gun (300) jan gaw KIA myu tsaw share shagan ni sa htim gap ai hta machyi hkrum ai law wa ai majaw April (26) ya shani Ban Sau mare na mung masha ni a dum nta ni hpe hkan nat jahten taw nga ai lam shiga na chye lu ai. Myen tai hpyen ni gaw tara n lang n dai zawn mung shawa masha ni a dum n ta ni hpe nat jahten shaza nga ai lam ni hpe mungkan shara shagu du nga ai Wunpawng Myu Sha ni jawm ninghkap sa wa ga nga buga de na myitsu salang ni tsun shana wa ai.
