MAJAN

MAJAN

Thursday, April 12, 2012 0 မှတ်ချက်

Majan
Lagut majan shi nan rai,
Sadi run majan shi tai;
Yu tawt majan shi hpe ngu,
N tara majan shi su.

Htim gasat m'jan shi galaw,
Dinghku majan woi ningbaw;
Laba majan ngu na hku,
Anut majan hku shamu;

Ka-up majan shi shapraw,
Myu shamyit majan shi baw;
Shut ai majan galaw sai,
Sharut majan ngu she tai.

Shagrawt majan ngu shamying,
Suya majan byin shaning;
Bummayan majan shi ngu,
Katsi m'jan n ngut ai lu!

Punwi majan bai rai sai,
Laru m'jan hte shagrawt ai;
Urut majan ngu na zawn,
Tsadan majan shabyin tawn.
Mungkan majan zawn she rai,
Mazut majan galaw ai;
Wenyi majan woi shakut,
Sawa majan woi shadut.

Roi rip majan ngu yawng chye,
N san seng ai majan re;
Ginchyum chyat majan byin sai,
Sanggang majan kawn hpang ai.

TAHTANG majan she ngu ra,
Mungm'sa majan byin mat wa;
Madung Sut majan ngu ga,
Bawnu majan ngu magra.

Myit marin lawhpa majan,
Kachin de hkrai majan an;
Damya majan ngu tim mai,
N wai majan she rai sai.

Shanglawt Tsing
12.4.2012

ဆက်ဖတ်ရန် »