LA JA YANG MAJAN HTA
April (26) bat Mali
Wunpawng Mungdan Shanglawt Asuya KIA myu tsaw share shagan ni hte myen tai hpyen ni La Ja Yang hte Na Lung laran dai hpawt byin ai majan hta myen de na yawm htum marai (8) si nna, marai (10) jan hkala wa sai lam na chye lu ai. Majan gaw matut manoi rai nga ai majaw shiga tup hkrak nchye lu shi ai. Myen asuya hpyen ni kawn La Ja Yang shanhte dap kaw na gap dat ai sinat kaba ni mung Lawa Yang mare de wa hkrat ai majaw mare masha ni hprawng koi yen mat ma sai lam na chye lu ai.
