KIO HTE MYEN ASUYA BAWNGBAN GAMUNG (SHWELI MATUT)
March (9) bat Manga,
แแ်แแ်แแ် »
KIO hte Myen Asuya lapran, numdaw masum lang na lahkawng ya ngu na 9-3-2012 bat (5) ya shani 10:30 a.m kaw nna matut bawngban ai lam shiga na chye lu ai.
KIO Kasa ni shawng tang madun ba
wngban ai hta, KIO gaw lai sai January shata na zuphpawng hta tang shawn da sai bawngban lam tsang ninggam masum hku sha n rai yang, gara hku mung n hkap la lu ai lam matut tsun shawn sai. Jinghpaw Wunpawng sha ni a moi prat na labau hpe nhtang sagawn yu tim, Myen a npu e galoi n taw yu ai ni rai ga ai. Kadai Myen hkawhkam hpe mung ahkun hkanse n jaw yu ga ai. Daini amyu sha madang rapra lam ngu nna n-gup hte gara hku tsun tim, ta tut hta hpa sakse madun na n nga ai. Jinghpaw ni gaw, Panglung GaSadi hte maren, munghpawm ngang grin lam hpe madung tawn saga ai re majaw, Duwa Lahpai Naw Seng gumlau pru wa tim pyi, Jinghpaw mung de n hkap la ai sha ninghkap kau ninghkan, Duwa Naw Seng hpung ni mung Miwa mungdan de hprawng shang shingbyi ra mat ai mabyin mung nga lai wa sai.
Daini Munghpawm Mungdan a kata hta Jinghpaw Wunpawng sha ni a htunghking manawt shingni lam, htunghking hte laili laika lam mahkra dip da hkrum nga ga ai. Makam masham lam hta mung dip da hkrum nga ga ai. Munghpawm kata na mungchying amyu bawsang ngu ai hta Myen hpe n shalawm da ai. Myen gaw Amyu Kaba hku ntsa e nga nna, anhte kaga ni hpe "Thai-yin-thar" ngu ai grit nem ai madang hku ginhka masat da mi ai.
KIO hta lai nna, UNFC hta lawm ai amyu sha wuhpung ni yawng hte myit hkrum da ngut sai nga tun tim, bai gap hkat ai ni mung nga taw nga myit dai. Shing re ai lam gaw, wuhpung ginhka nna padang dip la ai masa "Devide and Conquer" rai nga ai. Hpyen yen tsinyam masha ni hpe mare dum nta hkrun lam mahkra bai gaw gap ya na nga tim, roi rip hkrum mat wa ai lam; asak sum machyi hkrum mat wa ai lam hte myit kraw machyi hkrum ai lam ni hpe hpa hte mung bai kapa ya lu na n rai nga ai. Daini na anhte a bawngban ai lam gaw, KIO hkrai sha myit pyaw myit dik nna n ngut lu ai. Jinghpaw Mungdaw kata shanu nga pra ai amyu sha ni yawng, munghpawm ting na amyu sha ni yawng, myit mang shabawn langai hte myit pyaw myit hkut ai lam hpe ra sharawng ai lam she rai mali ai. Dai re majaw, Panglung zawn re ai zuphpawng kaba langai bai galaw na hpe tsun taw nga ga ai lam re.
Lai wa sai KIO Ningbaw Kaba Maran Brang Seng a lakhtak hta, U Ne Win shaga nna Yangon de sa du bawngban sai. Ningbaw Kaba Brang Seng gaw, tsawm htap ngwi pyaw grin ngang ai munghpawm byin tai lu hkra, madu ginra madu uphkang lu na tara shang ahkang laika yan mi sha ka jaw dat rit ngu hpyi tsun sai. U Ne Win gaw, 1974 ning na Gaw Da Tara hkrai tsun manat nna, nanhte hpe jaw jang, yawng hpyi wa na re, nga n jaw hkraw ai. Gaw Da Tara hte nhtan shai wa na re, nga tsun ai. Shing rai Jinghpaw Wunpawng sha ni a dip sha hkrum ai gam maka gaw, Myen Asuya lakhtak ban hte ban daini du hkra hkrum sha dingyang rai nga ga ai. Masu hkalem ai pale palau lam ni hkrai pri rai nga ai hpe mu lu ai. BGF zawn re ai mahtang KIO hpe atik anang shanawng bun ai lam ni mung hkrum saga ai.
Myen Asuya Kasa ni bai htan tsun ai ga hta, KIO Kasa ni tsun mat ai lam mahkra, gasat gala jahkring na lam ga hkaw mi mung n lawm nga malit dai. Gasat gala n jahkring yang gara hku mung matut bawngban na yak nga ai, nga nna tsun wa nga ma ai.
Dai hpang shani shat sha hkring nhtawm, shana maga matut bawngban na re lam mung na chye lu ai rai.
KIO Kasa ni shawng tang madun ba
wngban ai hta, KIO gaw lai sai January shata na zuphpawng hta tang shawn da sai bawngban lam tsang ninggam masum hku sha n rai yang, gara hku mung n hkap la lu ai lam matut tsun shawn sai. Jinghpaw Wunpawng sha ni a moi prat na labau hpe nhtang sagawn yu tim, Myen a npu e galoi n taw yu ai ni rai ga ai. Kadai Myen hkawhkam hpe mung ahkun hkanse n jaw yu ga ai. Daini amyu sha madang rapra lam ngu nna n-gup hte gara hku tsun tim, ta tut hta hpa sakse madun na n nga ai. Jinghpaw ni gaw, Panglung GaSadi hte maren, munghpawm ngang grin lam hpe madung tawn saga ai re majaw, Duwa Lahpai Naw Seng gumlau pru wa tim pyi, Jinghpaw mung de n hkap la ai sha ninghkap kau ninghkan, Duwa Naw Seng hpung ni mung Miwa mungdan de hprawng shang shingbyi ra mat ai mabyin mung nga lai wa sai.Daini Munghpawm Mungdan a kata hta Jinghpaw Wunpawng sha ni a htunghking manawt shingni lam, htunghking hte laili laika lam mahkra dip da hkrum nga ga ai. Makam masham lam hta mung dip da hkrum nga ga ai. Munghpawm kata na mungchying amyu bawsang ngu ai hta Myen hpe n shalawm da ai. Myen gaw Amyu Kaba hku ntsa e nga nna, anhte kaga ni hpe "Thai-yin-thar" ngu ai grit nem ai madang hku ginhka masat da mi ai.
KIO hta lai nna, UNFC hta lawm ai amyu sha wuhpung ni yawng hte myit hkrum da ngut sai nga tun tim, bai gap hkat ai ni mung nga taw nga myit dai. Shing re ai lam gaw, wuhpung ginhka nna padang dip la ai masa "Devide and Conquer" rai nga ai. Hpyen yen tsinyam masha ni hpe mare dum nta hkrun lam mahkra bai gaw gap ya na nga tim, roi rip hkrum mat wa ai lam; asak sum machyi hkrum mat wa ai lam hte myit kraw machyi hkrum ai lam ni hpe hpa hte mung bai kapa ya lu na n rai nga ai. Daini na anhte a bawngban ai lam gaw, KIO hkrai sha myit pyaw myit dik nna n ngut lu ai. Jinghpaw Mungdaw kata shanu nga pra ai amyu sha ni yawng, munghpawm ting na amyu sha ni yawng, myit mang shabawn langai hte myit pyaw myit hkut ai lam hpe ra sharawng ai lam she rai mali ai. Dai re majaw, Panglung zawn re ai zuphpawng kaba langai bai galaw na hpe tsun taw nga ga ai lam re.
Lai wa sai KIO Ningbaw Kaba Maran Brang Seng a lakhtak hta, U Ne Win shaga nna Yangon de sa du bawngban sai. Ningbaw Kaba Brang Seng gaw, tsawm htap ngwi pyaw grin ngang ai munghpawm byin tai lu hkra, madu ginra madu uphkang lu na tara shang ahkang laika yan mi sha ka jaw dat rit ngu hpyi tsun sai. U Ne Win gaw, 1974 ning na Gaw Da Tara hkrai tsun manat nna, nanhte hpe jaw jang, yawng hpyi wa na re, nga n jaw hkraw ai. Gaw Da Tara hte nhtan shai wa na re, nga tsun ai. Shing rai Jinghpaw Wunpawng sha ni a dip sha hkrum ai gam maka gaw, Myen Asuya lakhtak ban hte ban daini du hkra hkrum sha dingyang rai nga ga ai. Masu hkalem ai pale palau lam ni hkrai pri rai nga ai hpe mu lu ai. BGF zawn re ai mahtang KIO hpe atik anang shanawng bun ai lam ni mung hkrum saga ai.
Myen Asuya Kasa ni bai htan tsun ai ga hta, KIO Kasa ni tsun mat ai lam mahkra, gasat gala jahkring na lam ga hkaw mi mung n lawm nga malit dai. Gasat gala n jahkring yang gara hku mung matut bawngban na yak nga ai, nga nna tsun wa nga ma ai.
Dai hpang shani shat sha hkring nhtawm, shana maga matut bawngban na re lam mung na chye lu ai rai.
