KAHKUM A NTSIN MAGA, TINANG SAI CHYEN NI A NTSA
March (9) bat Mang
Miwa Gumsan Mungdan, Saphkung Mungdaw, Shweli Ginwang kata de Jinghpaw Mung, Manmaw Ginwang, Kaihtik maga na hpyen yen tsinyam masha ni 20000 (mun lahkawng) jan du shang shingbyi nga ai gaw tsawmra mi na wa sai. Miwa Asuya gaw, ndai zawn mungdan ga jarit tawt nna du shang sa ai ni hpe gawt nhtang shabai na aming shapraw lai wa sai. Rai tim, Saphkung Mungdaw, Shweli Ginwang kata na Jinghpaw Wunpawng sha ni gaw, ndai zawn hpyen yen shingbyi du sa ai tinang a sai daw sai chyen amyu sha ni hpe pu gang sin machyi let, "Kahkum a ntsin maga" ladat galaw lai wa sai.
Miwa Asuya kaw nna ndai hpyen yen tsinyam Jinghpaw Wunpawng sha ni hpe gawt nhtang shabai na rai yang, anhte mung ndai Shweli mare kaba e tara n shang nsin hpaga galaw sha nga ai Myen amyu langai pyi n ngam hkra gawt shachyut na ga ai, ngu ma ai da. Shweli mare e rawng nga ai Myen amyu sha ni gaw, nanghpam ka-ni dut shabra ai; shawa num galaw sha ai; masha rim dut sha ai, hpaida da ai, lagu lagut ai, masha sat ai, n hkru ai bungli hkrai gat hkai ai ni rai ma ai.
Miwa Asuya hpe shing ngu tsun dara nna, ya du hkra gaw, tinang a sai daw sai chyen amyu sha ni naw shingbyi nga lu ma ai. Dai sha n-ga, Shweli na Jinghpaw Wunpawng sha ni n-gun jawm dat let, dang lu ai made malu masha arung arai ni mung madi shadaw nga ai lam, Shweli mare na Slg. Hpauyam La Awn ngu ai wa tsun dan ai kaw na na chye lu ai rai.
Miwa Gumsan Mungdan, Saphkung Mungdaw, Shweli Ginwang kata de Jinghpaw Mung, Manmaw Ginwang, Kaihtik maga na hpyen yen tsinyam masha ni 20000 (mun lahkawng) jan du shang shingbyi nga ai gaw tsawmra mi na wa sai. Miwa Asuya gaw, ndai zawn mungdan ga jarit tawt nna du shang sa ai ni hpe gawt nhtang shabai na aming shapraw lai wa sai. Rai tim, Saphkung Mungdaw, Shweli Ginwang kata na Jinghpaw Wunpawng sha ni gaw, ndai zawn hpyen yen shingbyi du sa ai tinang a sai daw sai chyen amyu sha ni hpe pu gang sin machyi let, "Kahkum a ntsin maga" ladat galaw lai wa sai.
Miwa Asuya kaw nna ndai hpyen yen tsinyam Jinghpaw Wunpawng sha ni hpe gawt nhtang shabai na rai yang, anhte mung ndai Shweli mare kaba e tara n shang nsin hpaga galaw sha nga ai Myen amyu langai pyi n ngam hkra gawt shachyut na ga ai, ngu ma ai da. Shweli mare e rawng nga ai Myen amyu sha ni gaw, nanghpam ka-ni dut shabra ai; shawa num galaw sha ai; masha rim dut sha ai, hpaida da ai, lagu lagut ai, masha sat ai, n hkru ai bungli hkrai gat hkai ai ni rai ma ai.
Miwa Asuya hpe shing ngu tsun dara nna, ya du hkra gaw, tinang a sai daw sai chyen amyu sha ni naw shingbyi nga lu ma ai. Dai sha n-ga, Shweli na Jinghpaw Wunpawng sha ni n-gun jawm dat let, dang lu ai made malu masha arung arai ni mung madi shadaw nga ai lam, Shweli mare na Slg. Hpauyam La Awn ngu ai wa tsun dan ai kaw na na chye lu ai rai.
