NGAI MA, NANG MA, SHI MA, RA HTE MARIT N BUNG HKAT NGA GA AI
"Lik tara" (grammar) masa hku rai yang, "Marai masum" (Three persons) ngu ai nga ai. "Ngai" ngu ai gaw "Dumlat wa" (First person), "Nang" ngu ai gaw, "Dumnau wa" (Second person), "Shi" ngu ai mahtang gaw "Dumbrum wa" (Third person) rai nga ai. Ndai marai masum ni kadai dai rai nga ma ai hpe bai jep dat yu yang, "Ngai" ngu ai gaw, Jinghpaw Wunpawng mungshawa zaw nawng; "Nang" ngu ai gaw, KIO/KIA myu tsaw mung tsaw share; "Shi" ngu ai mahtang gaw, Sa-wa dangkang Myen si gwi chyang ni rai nga ma ai.
Dai rai yang, ngai ra ai lam, nang ra ai lam hte shi ra ai lam ni gaw, n bung hkat shajang nga ai. Moi na salang ga hta pyi, marai masum myit hkrum yang panglai nawng pyi htawk dang ai, nga nna tsun da ai. Daini du hkra gaw, marai masum myit hkrum nna htawk jahkyet kau ai panglai mi garai n mu hkrup yu ga ai. Dai re majaw anhte masum myit hkrum na hpe shakut yang, moi na salang ga malai hpa "Si ai wa hpe hkrap let htet ai" ngu ai baw mi hkoi n rai wa nga ga ta?
Tsun lai wa sai marai masum a lam hpe, atai hku sha rai yang, "ngai, nang, shi" ngu tsun lang nga ai rai tim, law law hku rai jang, "anhte, nanhte, shanhte" ngu nna tsun ai gaw, shinggyim amyu yawng tsun shaga lang ai masa rai nga ai. Rai tim, Jinghpaw ga si lachyum ni hpe sawk dat yang, kaga kadai hta mung n rawng ai mauhpa laklai ai ga si langai bai mu hkrup ai. Dai gaw "Run Hkum Masa" (Dualism) rai nhtawm, "an, nan, shan" ngu ai marai lahkawng hte sha seng ai ga si rai nga ai. Dai majaw, marai masum myit hkrum na yak jang, marai lahkawng sha laksan hku kahkyin gumdin ra sai lam hpe shaleng ya nga ai.
Dai rai yang hpa lam hta wa, ra hte marit n bung hkat nga ga ta? Jinghpaw Wunpawng mungshawa zaw nawng ni ra ai gaw "AWMDAWM" rai nga ai. KIO/KIA ni tsun shaga dara shakut bu nga ai gaw "PANGLUNG" rai nga sai. Sa-wa dangkang Myen si gwi chyang ni shadap dan ai mahtang gaw "Nhkyau" rai malu ai. Dai hku nga jang, "Awmdawm + Panglung + Nhkyau = 000" hpa baw mahtai pru wa lu na ta? Ya na zawn Myen gwi chyang ni e "Mawk!" ngu ladawn jaw na hpe sha ala nga yang, shaning 64 ning mi naw kahtap jat tim; shaning 100 ning mi shakut jat tim, kaman sha rai na re. Shanhte jaw ya na hpe n la nga saga. anhte lu da chyalu hpe hparan lajang la saga.
Marai masum pawng yang awng dang ai ngu ai gaw, maumwi she re. "An" lahkawng run run rai yang ram la sai. Mungshawa gaw "gainu gaisang", KIO gaw "gaiwa salang" htuk dik sai. "Shi" hpe gaw jahka kau saga. Lashi labai kyem yang, manghkang law la ai. Gau shabawn kau saga.
KIO gaw Panglung kade mi tsun tim, daini Sa-wa dangkang Myen si gwi chyang ni gaw, 2008 Constitution hte mahkam kaba shachyen taw nga ai sha re. 2008 Constitution maiwang hta n shang ai hpe gaw, nhkyau hte mahkai maret nna 2008 Constitution kata de hkwi bang shakut tik tik di nga ai lam re. Lai sai January 18-19 hta Shweli e hpawng ai lam azin ayang hpe, Myen mung na Monitor Journal ni hta bat shagu matut manoi azin ayang rawng nga ai. Shanhte tsun mat wa ai ga nsen manawng mahkra gaw, lai wa sai 64 ning de tsep kawp n kayin mada sai. 2008 Constitution a kata de gau jashawn tik tik rai nga ma ai. KIO ningbaw ni wa, hpa rai me, si ai wa hpe hkrap let htet taw nga ai rai kun?
Mungkan ting hta nga chyam nga bra taw nga ai Jinghpaw Wunpawng myu sha zaw nawng ni yawng gaw, "AWMDAWM" hta lai nna kaga n kazik sai. Myen a maiwang de gaw bai n shang kam sai. Ram la sai. Mala la shari sharat nan rai saga ai. Jum hte sha mi sha sha, jap htu hte sha mi sha sha, tinang a nta, tinang a buga, tinang a mungdan, tinang a shadip jahpang, tinang a amyu, tinang a htunghking, tinang a makam masham, tinang a kanu kawa, tinang a kahpu kanau, tinang a sai daw sai chyen, tinang a ningbaw ningla, tinang a Asuya ngu ai ni hte rau, myit pyaw myit htep rai nna jawm shakut shaja mat wa yang, anhte ni rawt galu kaba wa na chyalu sha rai ga ai. Myen sa-wa ni zingri dip sha ai hpe gaw, gara hku mung matut nna n hkam sha lu saga ai. Myen ngu ai gaw Satan kaba Lusifa nan she rai nga ai. Jinghpaw Wunpawng sha ni ndai lang gaw, Awmdawm hpe abrut nan abrut di la saga law........
Kapdup Lungsha
22/2/2012
Dai rai yang, ngai ra ai lam, nang ra ai lam hte shi ra ai lam ni gaw, n bung hkat shajang nga ai. Moi na salang ga hta pyi, marai masum myit hkrum yang panglai nawng pyi htawk dang ai, nga nna tsun da ai. Daini du hkra gaw, marai masum myit hkrum nna htawk jahkyet kau ai panglai mi garai n mu hkrup yu ga ai. Dai re majaw anhte masum myit hkrum na hpe shakut yang, moi na salang ga malai hpa "Si ai wa hpe hkrap let htet ai" ngu ai baw mi hkoi n rai wa nga ga ta?
Tsun lai wa sai marai masum a lam hpe, atai hku sha rai yang, "ngai, nang, shi" ngu tsun lang nga ai rai tim, law law hku rai jang, "anhte, nanhte, shanhte" ngu nna tsun ai gaw, shinggyim amyu yawng tsun shaga lang ai masa rai nga ai. Rai tim, Jinghpaw ga si lachyum ni hpe sawk dat yang, kaga kadai hta mung n rawng ai mauhpa laklai ai ga si langai bai mu hkrup ai. Dai gaw "Run Hkum Masa" (Dualism) rai nhtawm, "an, nan, shan" ngu ai marai lahkawng hte sha seng ai ga si rai nga ai. Dai majaw, marai masum myit hkrum na yak jang, marai lahkawng sha laksan hku kahkyin gumdin ra sai lam hpe shaleng ya nga ai.
Dai rai yang hpa lam hta wa, ra hte marit n bung hkat nga ga ta? Jinghpaw Wunpawng mungshawa zaw nawng ni ra ai gaw "AWMDAWM" rai nga ai. KIO/KIA ni tsun shaga dara shakut bu nga ai gaw "PANGLUNG" rai nga sai. Sa-wa dangkang Myen si gwi chyang ni shadap dan ai mahtang gaw "Nhkyau" rai malu ai. Dai hku nga jang, "Awmdawm + Panglung + Nhkyau = 000" hpa baw mahtai pru wa lu na ta? Ya na zawn Myen gwi chyang ni e "Mawk!" ngu ladawn jaw na hpe sha ala nga yang, shaning 64 ning mi naw kahtap jat tim; shaning 100 ning mi shakut jat tim, kaman sha rai na re. Shanhte jaw ya na hpe n la nga saga. anhte lu da chyalu hpe hparan lajang la saga.
Marai masum pawng yang awng dang ai ngu ai gaw, maumwi she re. "An" lahkawng run run rai yang ram la sai. Mungshawa gaw "gainu gaisang", KIO gaw "gaiwa salang" htuk dik sai. "Shi" hpe gaw jahka kau saga. Lashi labai kyem yang, manghkang law la ai. Gau shabawn kau saga.
KIO gaw Panglung kade mi tsun tim, daini Sa-wa dangkang Myen si gwi chyang ni gaw, 2008 Constitution hte mahkam kaba shachyen taw nga ai sha re. 2008 Constitution maiwang hta n shang ai hpe gaw, nhkyau hte mahkai maret nna 2008 Constitution kata de hkwi bang shakut tik tik di nga ai lam re. Lai sai January 18-19 hta Shweli e hpawng ai lam azin ayang hpe, Myen mung na Monitor Journal ni hta bat shagu matut manoi azin ayang rawng nga ai. Shanhte tsun mat wa ai ga nsen manawng mahkra gaw, lai wa sai 64 ning de tsep kawp n kayin mada sai. 2008 Constitution a kata de gau jashawn tik tik rai nga ma ai. KIO ningbaw ni wa, hpa rai me, si ai wa hpe hkrap let htet taw nga ai rai kun?
Mungkan ting hta nga chyam nga bra taw nga ai Jinghpaw Wunpawng myu sha zaw nawng ni yawng gaw, "AWMDAWM" hta lai nna kaga n kazik sai. Myen a maiwang de gaw bai n shang kam sai. Ram la sai. Mala la shari sharat nan rai saga ai. Jum hte sha mi sha sha, jap htu hte sha mi sha sha, tinang a nta, tinang a buga, tinang a mungdan, tinang a shadip jahpang, tinang a amyu, tinang a htunghking, tinang a makam masham, tinang a kanu kawa, tinang a kahpu kanau, tinang a sai daw sai chyen, tinang a ningbaw ningla, tinang a Asuya ngu ai ni hte rau, myit pyaw myit htep rai nna jawm shakut shaja mat wa yang, anhte ni rawt galu kaba wa na chyalu sha rai ga ai. Myen sa-wa ni zingri dip sha ai hpe gaw, gara hku mung matut nna n hkam sha lu saga ai. Myen ngu ai gaw Satan kaba Lusifa nan she rai nga ai. Jinghpaw Wunpawng sha ni ndai lang gaw, Awmdawm hpe abrut nan abrut di la saga law........
Kapdup Lungsha
22/2/2012
