MYEN HPYEN HPE MADI SHADAW AI NI YAWNG HPANG DE
Myen hpyen wa hpe madi shadaw ya nga ai ni yawng hpe shadum dat ai laika!
Chyurum Jinghpaw Wunpawng sha majing she nan rai teng myit yang gaw, Duwa Za Hkung Ting Yin, Du Mahtu Naw, La Sang Awng, A Dang hte mying n tsun lu ai Myen hpyen wa hpe madi shadaw ya nga ai ni yawng hpe shadum dat ai.
Ya ten hta, anhte Jinghpaw W.P sha ni mahkra hpe gasat shamyit nga ai Myen hpyen wa hta hkum maga lawm ga. Hpa majaw nga yang, n dai majan gaw moi na hte kachyi myi pyi n bung nga ai. W.P sha ni langai pyi n ngam hkra sat shamyit kau na, ladat re. Nanhte ni n chye nga ai i??? Mung masa Majan sha n rai, anhte W.P myu sha majan hte makam masham majan rai wa magang nga sai. Nanhte hpe mung tawn da na hkum shadu myit. Dai majaw nanhte ni yawng atsawm sung sung myit yu mu. Shana yup ku kaw galeng let gahten pung ding ang ang hta ta mara n htawm teng ai n teng ai sum ru yu mu. Nanhte ni wa Jinhpaw W.P sha ni hpe gasat shamyit nga ai Myen tai hpyen wa hpe hpa majaw kasat garum lawm nga myit ta???Rau shada nat sat n na, nanhte ni nga pyaw na hkum shadu, zawn hkum nawn. Tinang a labau n tsawm mat na hku n dai yang mai na rai myit dai.
Asak prat mung grai kaba wa manit dai. Nanhte a n shu n sha ni a matu mara n myit sai kun??? Jahtawng n htu ai Myen tai hpyen wa hte prat tup jinghku galaw nga sana kun??? Tinang a myu hpe gaw n tsaw ra, Myu n bung ai, htung hkring n bung ai, makam masham n bung ai, myit jasat hte lai kyang n bung ai wa hte gaw yak na rai myit dai. Anhte Jinghpaw W.P sha ni gaw myu langai, sai langai, sai ga shaga na sha rai na re. Matut n na, nanhte kasat lawm ai majaw, tinang amyu sha ni hpe gara hku zingri zingrat ai mung ta tut nan mu lu na myit dai. Num, Ma ni hpe roi ngut jang sat kau ai. Dik shale ma chyu chyu ai kanu hpe pyi madu wa a man kaw nan pyi roi rip sat kau ai hte dinggai dingla ni hpe sat ai hta n ga, dum n’ta ni nat kau ya ai, dum su, nga, u wa atsai awai sat sha kau ya ai. Dai zawn re lam ni grai law nga sai le. Dai zawn re ni hpe padang dip la lu sai nga n na nanhte ni myit pyaw lu nga myit ni??? N dai ram kaba ai mara ni gaw nanhte ni yawng a kashu kasha prat mi hte prat mi hta bai hkam sha wa na hpe myit tsang ya ai.
Maigan mungdan shara shagu hta du taw nga sai Jinghpaw W.P sha ni yawng yawn madai hkrap myiprwi si ni hte n ji n mu hkam sha nga ga ai. Nanhte ni yawng hpe wa Myen asuya ni hkyindu lap jahkraw hte dun gyit da ai hpe pyi lakdi n lu mat sai i? Shu kyet a nga hkang lakyawk hta hka ing rawng nga ai hpe panglai rai sai shadu ai zawn hkum galaw myit. Jinghpaw W.P sha ni yawng a dam lada ai ahkaw ahkang lu la na hte ya nanhte ni yawng hpe jaw da ai ahkaw ahkang gara grau ahkyak nga ai n chye nga myit ni???
Thai Hkawhkam wa gaw tinang a mungchying sha ni matsan mayan re ai ni hpe gyinhka lara n nga ai sha, mungchying sha ni hpe sa gawan ai, garum shingtau ai, mung masha ni myi prwi pru yawn madai nga ai ten ni hta mung masha ni hte rau myi prwi pru let garum shingtau chye nga ai. Dai hpe she Du, Hkawhkam nga ma ai. Nanhte galaw ai ladat gaw du zawn n rai nga myit dai. Zahkung Ting Ying a shara Pangwa, Mahtu naw a shara Kawnghka, Adang nga ai Putao, La Sang Awng nga ai Malihka a jan pru maga Mungnang, n dai shara ni hta sha simsa n na gaw nanhte mung kayin gaye nga yak na myit dai.
Anhte Jinghpaw W.P sha ni a lapran hta Myen Asuya wa n rum hkra a myu myu ladat shaw n na sumprat bang ai mung grai lang rai sai le. Dum chye ra nga saga ai. Ya tatut nanhte ni hte jinghku hku nga ai Myen hpyen wa hpe grai sadi maja ra nga na rai myit dai. Nanhte ni shanhte ra ai hku n hkan nang n hkan sa jang gaw nanhte ni yawng a asak a matu pyi hkrit tsang ra wa na re. Tsawra myit hte shadum jahprang ai hpe n kam hkum rai myit.
Ndai laika lu hti ai hte Diary laika buk hta matsing tawn da mu. Nanhte n kau mi Gawkngu shachyaw ai hte myu sha n kau pyi hpe makam masham lam de lam woi yit ai pyi ram la sai. Ya myu sha ni hpa kalang bai sat na, nat na hte myu sha ni htum mat wa na lam ni hpe gaw hkum woi galaw manu. Karai Kasang ra sharawng awng ai lam mung n rai nga ai. Anhte Jinghpaw W.P shani gadai mung n ra sharawng ga ai. Dai gaw kaja ai lam galaw woi ai n rai myit dai. Myen ni “Gahta” hte gawut, shayuk da sai majaw n dum n gring she rai nga myit dai. Myen hpyen wa hpe malu masha hting let ya ai, hkrun lam madun ai, n dai zawn lu galaw ai hpe nanhte arawng hkum la myit. Dai zawn galaw ai lam gaw mayam myit, mayam jasat nga ma ai. Bai n na mung nanhte 3 gaw shanglawt dap kaw ga sadi “Mawhkre Hka” tawn da chyalu mung rai myit dai. Dum nga myit ni??? Madu a amyu hpe makawp maga na matu she nanhte dagam ai re. Jinghku ga gaw sheng mareng hte nanhte yawng hpe shadum dat ai.
Shang Ting (Pangwa)
USA
Chyurum Jinghpaw Wunpawng sha majing she nan rai teng myit yang gaw, Duwa Za Hkung Ting Yin, Du Mahtu Naw, La Sang Awng, A Dang hte mying n tsun lu ai Myen hpyen wa hpe madi shadaw ya nga ai ni yawng hpe shadum dat ai.
Ya ten hta, anhte Jinghpaw W.P sha ni mahkra hpe gasat shamyit nga ai Myen hpyen wa hta hkum maga lawm ga. Hpa majaw nga yang, n dai majan gaw moi na hte kachyi myi pyi n bung nga ai. W.P sha ni langai pyi n ngam hkra sat shamyit kau na, ladat re. Nanhte ni n chye nga ai i??? Mung masa Majan sha n rai, anhte W.P myu sha majan hte makam masham majan rai wa magang nga sai. Nanhte hpe mung tawn da na hkum shadu myit. Dai majaw nanhte ni yawng atsawm sung sung myit yu mu. Shana yup ku kaw galeng let gahten pung ding ang ang hta ta mara n htawm teng ai n teng ai sum ru yu mu. Nanhte ni wa Jinhpaw W.P sha ni hpe gasat shamyit nga ai Myen tai hpyen wa hpe hpa majaw kasat garum lawm nga myit ta???Rau shada nat sat n na, nanhte ni nga pyaw na hkum shadu, zawn hkum nawn. Tinang a labau n tsawm mat na hku n dai yang mai na rai myit dai.
Asak prat mung grai kaba wa manit dai. Nanhte a n shu n sha ni a matu mara n myit sai kun??? Jahtawng n htu ai Myen tai hpyen wa hte prat tup jinghku galaw nga sana kun??? Tinang a myu hpe gaw n tsaw ra, Myu n bung ai, htung hkring n bung ai, makam masham n bung ai, myit jasat hte lai kyang n bung ai wa hte gaw yak na rai myit dai. Anhte Jinghpaw W.P sha ni gaw myu langai, sai langai, sai ga shaga na sha rai na re. Matut n na, nanhte kasat lawm ai majaw, tinang amyu sha ni hpe gara hku zingri zingrat ai mung ta tut nan mu lu na myit dai. Num, Ma ni hpe roi ngut jang sat kau ai. Dik shale ma chyu chyu ai kanu hpe pyi madu wa a man kaw nan pyi roi rip sat kau ai hte dinggai dingla ni hpe sat ai hta n ga, dum n’ta ni nat kau ya ai, dum su, nga, u wa atsai awai sat sha kau ya ai. Dai zawn re lam ni grai law nga sai le. Dai zawn re ni hpe padang dip la lu sai nga n na nanhte ni myit pyaw lu nga myit ni??? N dai ram kaba ai mara ni gaw nanhte ni yawng a kashu kasha prat mi hte prat mi hta bai hkam sha wa na hpe myit tsang ya ai.
Maigan mungdan shara shagu hta du taw nga sai Jinghpaw W.P sha ni yawng yawn madai hkrap myiprwi si ni hte n ji n mu hkam sha nga ga ai. Nanhte ni yawng hpe wa Myen asuya ni hkyindu lap jahkraw hte dun gyit da ai hpe pyi lakdi n lu mat sai i? Shu kyet a nga hkang lakyawk hta hka ing rawng nga ai hpe panglai rai sai shadu ai zawn hkum galaw myit. Jinghpaw W.P sha ni yawng a dam lada ai ahkaw ahkang lu la na hte ya nanhte ni yawng hpe jaw da ai ahkaw ahkang gara grau ahkyak nga ai n chye nga myit ni???
Thai Hkawhkam wa gaw tinang a mungchying sha ni matsan mayan re ai ni hpe gyinhka lara n nga ai sha, mungchying sha ni hpe sa gawan ai, garum shingtau ai, mung masha ni myi prwi pru yawn madai nga ai ten ni hta mung masha ni hte rau myi prwi pru let garum shingtau chye nga ai. Dai hpe she Du, Hkawhkam nga ma ai. Nanhte galaw ai ladat gaw du zawn n rai nga myit dai. Zahkung Ting Ying a shara Pangwa, Mahtu naw a shara Kawnghka, Adang nga ai Putao, La Sang Awng nga ai Malihka a jan pru maga Mungnang, n dai shara ni hta sha simsa n na gaw nanhte mung kayin gaye nga yak na myit dai.
Anhte Jinghpaw W.P sha ni a lapran hta Myen Asuya wa n rum hkra a myu myu ladat shaw n na sumprat bang ai mung grai lang rai sai le. Dum chye ra nga saga ai. Ya tatut nanhte ni hte jinghku hku nga ai Myen hpyen wa hpe grai sadi maja ra nga na rai myit dai. Nanhte ni shanhte ra ai hku n hkan nang n hkan sa jang gaw nanhte ni yawng a asak a matu pyi hkrit tsang ra wa na re. Tsawra myit hte shadum jahprang ai hpe n kam hkum rai myit.
Ndai laika lu hti ai hte Diary laika buk hta matsing tawn da mu. Nanhte n kau mi Gawkngu shachyaw ai hte myu sha n kau pyi hpe makam masham lam de lam woi yit ai pyi ram la sai. Ya myu sha ni hpa kalang bai sat na, nat na hte myu sha ni htum mat wa na lam ni hpe gaw hkum woi galaw manu. Karai Kasang ra sharawng awng ai lam mung n rai nga ai. Anhte Jinghpaw W.P shani gadai mung n ra sharawng ga ai. Dai gaw kaja ai lam galaw woi ai n rai myit dai. Myen ni “Gahta” hte gawut, shayuk da sai majaw n dum n gring she rai nga myit dai. Myen hpyen wa hpe malu masha hting let ya ai, hkrun lam madun ai, n dai zawn lu galaw ai hpe nanhte arawng hkum la myit. Dai zawn galaw ai lam gaw mayam myit, mayam jasat nga ma ai. Bai n na mung nanhte 3 gaw shanglawt dap kaw ga sadi “Mawhkre Hka” tawn da chyalu mung rai myit dai. Dum nga myit ni??? Madu a amyu hpe makawp maga na matu she nanhte dagam ai re. Jinghku ga gaw sheng mareng hte nanhte yawng hpe shadum dat ai.
Shang Ting (Pangwa)
USA
