ZAHKUNG TING YING HTE LASANG AWNG WA HPANG DE
2011 November praw 9 (bat 3) ya shani Myitkyina YMCA kaw galaw ai zuphpawng kawn ndau dat ai laika hta mahta nna lawu na mujut ni hpe htang dat ai. N dai zuhpawng n galaw shi yang, Zahkung Tingying, Du kaba Lasawng Awngwa hte N gawn hpyen hpung ni kawn gaphkrat jahkring na matu senthu laika ka nna KIO/KIA hpe hpyi shawn dat ai shaloi KIO/KIA gaw “Myen hpe mahtang gaphkat jahkring na tsun mu” ngu laika htang wa ai hpe mu chye lu ai.
Slg Zahkung Tingying hte Du kaba Lasang Awngwa hku nna shan yan a myit kraw kata na kaja wa pru wa ai ga ni re i? shnr Myendap ni atik anang galaw shangun ai majaw n kam tim KIO/KIA hpe shadut wa ai re i? Myen ni gaw Sammung na J.W Laili Laika hte Htunghking Hpung ni hpe mung Dapba 4 na KIA hpyendap ni hpe simsa lam la na matu tsun shadut shangun wa ma ai. Tsun mayu ai gaw Myen gaw kadai hpe mung jailang na ra ai, n kadawng bang ga.
2003-2004 ten hta KIO ginjaw e Du kaba Lasang Awngwa ni KIO/KIA a masa galai jashai ga nga nna woiawn galaw wa yang tsi tsi nga ai Du kaba N Ban La rengruk bang wa ai majaw KIO/KIA shada shanut mat nna Du kaba Lasang Awngwa ni hprawng yen ra mat ai hpe ngai langai hku chyena ya ai re. Ten langai mi lai mat jang bai hkawm mai wa na re ngu sawn la nga yang,,, ya na zawn re myitmasa ni rawng mat yang Du kaba mahtang shut ai masha tai wa mai nga ai, J.W ni yawng a Ginjaw Akyu (Common interest) hpe yu nna pai hkra n bung laru du wa tim, zai rawng rawng hte manga nga ga.
Laika pa (5) rawng ai laika hpe hti yu yang, hpaji la hpa n lawm ai sha n ga, yawng gaw hkyen lajang da jalu laika she rai taw nga ai, Gumsanmagam Theing Sein gaw Mungshawa kata da ai ningbaw re nga laika pa hta tsun da nga ai, ngai chye ai gaw n dai shara hpe lu na matu Mungshawa hpe adip arip Sindai-pa (Me) bang shangun, gumhpraw hte mari la, lagu la di nna lu da ai shara rai nu ai, Mungshawa e kata da ai Gumsanmagam n re ngu hkrak lu tsun ai. Dai hte maren shi hte rau sha lahkum shara lu da ai ni yawng gaw hpawkhtepre re ni sha re, gara wa mung mungshawa hpe bungli galaw ya ni n re ngu lu tsun ai.
Mungshawa ni hkri ngu hkri dik sai ningbaw ni Rapdaw salang ni hpe wa dai ram ram kam manoi ai gaw, Du kaba ni a myit kraw hta hpa ni wa shai mat sai i? Jinghpaw ni hpe grai nan myit machyi mat sai i? ngai lu tsun ai Du kaba ni myit machyi ai gaw KIO/KIA du kaba langai lahkawng ram sha rai na re, dai ni a marang e Jinghpaw ni yawng hpe gaw hkum gangbang kau le.
KIO/KIA gaw kaja dik ai re, n kaja ai gaw n dai uhpung hpe woi nna tinang ra ai de gangbang la chye ai masha she re. J.W ni myen i dip da ai (mayam yam ai) kawn lawt ra ai ngu majaw KIA gaw 1961 ning Feb praw 5 hta myen hpe rawt malan wa ai n re i? “Awmdawm Shanglawt hpe la ga” ngu ai majaw share shagan law law du baw sum hkam da sai n rai i?
Myen amyu ni Mungdaw langai sha n shabyin dingsa Myen hte Federal jawm pawng galaw ga ngu ai gaw,,,,gara hku mung Myithkawn ai baw bungli n re, shabyin na ma n re n dai prat sha gaw.
Slg Zahkung Tingying hte Du kaba Lasang Awngwa ni yawng tinang a akyu hpe sha n yu ai sha Jinghpaw Mung e dap jung da ai saichyup myendap hpe mahtang gawt shapraw kau na matu majan shang manu ngu lajin dat mayu ai. Du kaba ni shabra ai laika pa a marang e mung shawa ni myit n kataw u ga n dai laika hpe ka dat ai.
Slg. Naw Kham
Slg Zahkung Tingying hte Du kaba Lasang Awngwa hku nna shan yan a myit kraw kata na kaja wa pru wa ai ga ni re i? shnr Myendap ni atik anang galaw shangun ai majaw n kam tim KIO/KIA hpe shadut wa ai re i? Myen ni gaw Sammung na J.W Laili Laika hte Htunghking Hpung ni hpe mung Dapba 4 na KIA hpyendap ni hpe simsa lam la na matu tsun shadut shangun wa ma ai. Tsun mayu ai gaw Myen gaw kadai hpe mung jailang na ra ai, n kadawng bang ga.
2003-2004 ten hta KIO ginjaw e Du kaba Lasang Awngwa ni KIO/KIA a masa galai jashai ga nga nna woiawn galaw wa yang tsi tsi nga ai Du kaba N Ban La rengruk bang wa ai majaw KIO/KIA shada shanut mat nna Du kaba Lasang Awngwa ni hprawng yen ra mat ai hpe ngai langai hku chyena ya ai re. Ten langai mi lai mat jang bai hkawm mai wa na re ngu sawn la nga yang,,, ya na zawn re myitmasa ni rawng mat yang Du kaba mahtang shut ai masha tai wa mai nga ai, J.W ni yawng a Ginjaw Akyu (Common interest) hpe yu nna pai hkra n bung laru du wa tim, zai rawng rawng hte manga nga ga.
Laika pa (5) rawng ai laika hpe hti yu yang, hpaji la hpa n lawm ai sha n ga, yawng gaw hkyen lajang da jalu laika she rai taw nga ai, Gumsanmagam Theing Sein gaw Mungshawa kata da ai ningbaw re nga laika pa hta tsun da nga ai, ngai chye ai gaw n dai shara hpe lu na matu Mungshawa hpe adip arip Sindai-pa (Me) bang shangun, gumhpraw hte mari la, lagu la di nna lu da ai shara rai nu ai, Mungshawa e kata da ai Gumsanmagam n re ngu hkrak lu tsun ai. Dai hte maren shi hte rau sha lahkum shara lu da ai ni yawng gaw hpawkhtepre re ni sha re, gara wa mung mungshawa hpe bungli galaw ya ni n re ngu lu tsun ai.
Mungshawa ni hkri ngu hkri dik sai ningbaw ni Rapdaw salang ni hpe wa dai ram ram kam manoi ai gaw, Du kaba ni a myit kraw hta hpa ni wa shai mat sai i? Jinghpaw ni hpe grai nan myit machyi mat sai i? ngai lu tsun ai Du kaba ni myit machyi ai gaw KIO/KIA du kaba langai lahkawng ram sha rai na re, dai ni a marang e Jinghpaw ni yawng hpe gaw hkum gangbang kau le.
KIO/KIA gaw kaja dik ai re, n kaja ai gaw n dai uhpung hpe woi nna tinang ra ai de gangbang la chye ai masha she re. J.W ni myen i dip da ai (mayam yam ai) kawn lawt ra ai ngu majaw KIA gaw 1961 ning Feb praw 5 hta myen hpe rawt malan wa ai n re i? “Awmdawm Shanglawt hpe la ga” ngu ai majaw share shagan law law du baw sum hkam da sai n rai i?
Myen amyu ni Mungdaw langai sha n shabyin dingsa Myen hte Federal jawm pawng galaw ga ngu ai gaw,,,,gara hku mung Myithkawn ai baw bungli n re, shabyin na ma n re n dai prat sha gaw.
Slg Zahkung Tingying hte Du kaba Lasang Awngwa ni yawng tinang a akyu hpe sha n yu ai sha Jinghpaw Mung e dap jung da ai saichyup myendap hpe mahtang gawt shapraw kau na matu majan shang manu ngu lajin dat mayu ai. Du kaba ni shabra ai laika pa a marang e mung shawa ni myit n kataw u ga n dai laika hpe ka dat ai.
Slg. Naw Kham
