SADUNG KAN PAITI LAM HTE MYEN HTU
November (8) bat Lahkawng,
Washawng kaw nna tat-ma (88) ni gaw Laban shana hkying (9) aten kaw nna Kan Pai Ti mawdaw lam hku nna Hpyenla marai (150-250) daram nsin kata kaw Sadung-Lahpai de htu lung wa ai lam hpe na chye lu ai. Jahpawt de mung kalang mi bai Hpyenla (350-400) daram gaw laknak hkum sumhpa, gumra-lawze, hpyen mawdaw (Tong Phong) ni hte bai hkan nang lung wa ma ai re. Gumra (50) daram mung ration htaw nna hkan lung wa ma ai lam buga masha ni kawn chye lu ai. Shana de hkying (1) aten hta KIA ni nga ai Washawng-Gaw Set Yang lahta Bum Tawng Hpyen Dap kaw gasat gala ai lam hpang wa sai lam hte Kan Paiti lam hpe Laban shani kaw nna mung masha ni n mai lai hkra pat kau sai lam hte myen hpyen hpung ni mare masha (1) mi hpe mung bawng masha hku gyit dun hkawm ai hpe mung mu lu ai lam buga masha ni kawn chye lu ai.
