NAMSU KAW GAP
November (26) bat Kru,
Sam Mung Munggu Namsu lawu kaw November (25) ya shana de Wunpawng Mungdan Shanglawt Asuya Dung (36), (38) na KIO myu tsaw share shaga ni hte myen tai hpyen ni gap gasat wa sai lam shiga na chye lu ai. N dai zawn gap gasat ai hta myen hpyen la (3) si nna (5) hkala wa sai lam, hkala hkrum ai myen hpyen la ni hpe miwa hkran Man Hai tsi rung de sa tawn ai lam na chye lu ai. Gap gasat ai tsawm ra na ai hpang Munggu mare na myen hpyen hpung ni gaw n-gun bai sa jat ai nga sa wa nna mung shawa masha ni a hkau na yiwa (4) gap nat kau ya ai lam chye lu ai. Sitnat n sen ngoi ai majaw Munggu na mung masha ni gaw miwa hkran de hprawng rap wa ai shaloi Miwa hpyen la ni bai hkap shingdang ai lam hpe mung na chye lu ai.
