MUNG SHAWA ZUPHPAWNG MYITKYINA KAW GALAW MAW
November (8) bat Lahkawng,
Ningbaw Zahkung Ting Ying (BGF-NDAK) hte Du Kaba Lasang Awng Wa (Ninggawn Hpyen Hpung, KIO Lawa Yang) yan gaw hpawt ni (November 9) ya shani jahpawt hkying (11:00) aten hta Myitkying YMCA Hall kaw, ya byin nga ai KIA hte Myen majan hte seng nna mung masha ni hte tsun sang lang na lamang galaw na matu hkyen lajang tawn da ai lam shiga na lu ai. Ndai lam hpe Myitkyina kaw nga ai mung shawa ni maram tsun wa ai hta, Zahkung Ting Ying hte hte Lasang Wa yan gaw Myen Asuya a ga madat nna Jinghpaw mung shawa ni hte Wunpawng Mungdan Shanglawt Asuya (KIO/KIA) ni a lapran chye na shut, hkap la ai lam shut shai wa hkra ginchyang tam galaw ai lam rai na re nga tsun jahta nga ma ai.
Shatapru kaw shanu nga ai, Howa Duwa tsun ai gaw, ning re ai lam galaw ai gaw myen a gap hkat jahkring mayu ai lam hpe madi shadaw ya na matu hte shanghte BGF hkap la da ngut sai hpyen hpung ni mara lawt lu na matu galaw na re ai lam tsun shana wa ai.
Bai Howa Duwa gaw dai zuphpawng hta sa lawm nna, ya byin nga ai hpyen majan mabyin masa ni gaw, anhte KIA ni kaw nna shawng galaw lai wa ai lam n nga ai lam, ndai lam yawng gaw myen wa a jahte tam ai lam a majaw byin pru wa ai lam, myen ni hpyen n htu lung wa yang KIA ni hkap gasat na lam n nga ai lam ni hpe tsun shana lawm na ngu myit da ai lam ni hpe tsun dan ai.
