JINGHPAW SHADA GAP HKAT WA HKRA MYEN HPYEN NI LADAT SHAW
November (2) bat Masum,
Lai wa sai October 31 ya shani hta Lahta Sam mung Mungbaw ginra, Yingseng mare hta Myen hpyen la marai (10) daram gaw shanglawt hking buhpun nna, Mungbaw Mungchying makawp dap (pyi-tu-sit) ni nga ai makau hku mayun lai hkawm dan ai lam chye lu ai. Masing gaw Mungbaw Mungchying makawp dap (pyi-tu-sit ) ni saait gap wa hkra dingsang galaw ai re lam chye lu ai. Hpa
majaw nga jang Jinghpaw shada gasat hkat wa na hpe ginjang tam ya ai lam re nga (pyi-tu-sit ) hpyen la langai tsun wa ai. Myen gaw shawng lam de Jinghpaw (pyi-tu-sit ) ni hpe shawng shawng shangun nna, majan hta shada gap si hkat na hku maw mawn nga ai re lam matut na chye lu ai.
Lai wa sai majan ni hta Mungbaw (pyi-tu-sit) ni gaw shada chye na hkat ai hku nna, shada hpyen man n hkrum hkra koi yen ai hpe myen gaw maram mu wa ai hte yu n lu wa nna (pyi-tu-sit) ni hpe mara rim lu hkra dingsang jahte tam ya nga ai re lam hpe mung na chye lu ai.
