HPAKAWN MARE MAKAU KAW GAP
November (11) bat Manga,
Wunpawng Mungdan Shanglawt Asuya a KIA myu tsaw share shagan ni hte myen tai hpyen ni gaw Ta Hkaw krung, Sang Gang lahta Hpakawn lawu kaw masum ya ngu na matut manoi gap hkat nga ai lam na chye lu ai. Myen asuya dap ni gaw Mashi laknak (chemical weapon) ni hte daini mung matut gap ai lam na chye lu ai. Tinang KIA maga na hpa nhkra ai sha daina maga majan zim mat sai lam matut chye lu ai.
Hkalawng Krung ngu ai maga de mung myen hpyen ni du lung wa ai majaw Dung (15) na KIA myu tsaw share shagan ni hte laja lana gasat hkat ai lam na chye lu ai. November (9-10) lahkawng ya ngu na majan hta myen maga na yawm htum marai (20) jan si nna, (80) daram hkala hkrum ai lam mung na chye lu ai.
