MALAYSIA HTA N GUN MADUN NINGHKAP
October (11) bat Lahkawng
Malayisa du Wunpawng Myu Sha ni gaw Myanmar mungdan kata na hpu nau myu baw sang ni hte jawm pawng nna dai hpawt (10:30am kaw na 11:30am) du hkra Malaysai mungdan myen asuya dakkasa rung shawng kaw sadu n gun madun la lai wa sai.
N dai n gun madun ai lamang hpe Malaysia du Wunpawng Myu Sha ni (Mungdan Ngang Kang Komiti) law woi awn let galaw sa wa ai re lam hpe chye lu ai. Hpu nau myu baw sang ni rai nga ai Sam, Hkang, Kayin, Kayah, Mun myu sha ni hku nna n gun mi a lu sa shang lawm wa sai hpe mu chye lu ai. Masha n gun yawng (700) ram shang lawm nna myit ngwi myit pyaw awng dang ai hte galaw la lu sai.
Anhte a ra sharawng ai lam ni hpe United Nation a Amu Madu daju rai nga ai Mr. Ban Ki Moon hpang de mung laika bang ai lam, myen asuya ninggaw U Thein Sein, ASEAN ningbaw hte Malaysia mungdan kata na maigan dakkasa rung ni de mung laika shawn ai lam galaw lai wa sai. N dai n gun madun ninghkap ai lam hta madung hpyi shawn ai lam ni gaw, ya hkyak hkyak byin nga ai myen mung mungdan dinghku majan lawan ai hku shazim kau na hte, mara kata mare masha ni hpe sat nat zingri lam, hpyen yen tsin yam masha ni hpe garum madi shadaw la na lam, Myu baw sang ningbaw ni hte myen asuya man hkrum hkrum shaga nna mungdan kata na mang hkang lam ni hpe lawan hparan sa wa na lam, Mali Hka Madim masing hpe tsep kawp dawm la kau na lam ni hpe hpyi shawn lai wa sai.
Ya na zawn n gun madun ai hte shara shagu de na Media hpung ni mung saw shaga da ai hte maren hkrum hkrum ra ra sa du let shiga ni hpe sa la mat wa sai hpe mu mada ai.
N dai n gun madun ai lamang hpe Malaysia du Wunpawng Myu Sha ni (Mungdan Ngang Kang Komiti) law woi awn let galaw sa wa ai re lam hpe chye lu ai. Hpu nau myu baw sang ni rai nga ai Sam, Hkang, Kayin, Kayah, Mun myu sha ni hku nna n gun mi a lu sa shang lawm wa sai hpe mu chye lu ai. Masha n gun yawng (700) ram shang lawm nna myit ngwi myit pyaw awng dang ai hte galaw la lu sai.
Anhte a ra sharawng ai lam ni hpe United Nation a Amu Madu daju rai nga ai Mr. Ban Ki Moon hpang de mung laika bang ai lam, myen asuya ninggaw U Thein Sein, ASEAN ningbaw hte Malaysia mungdan kata na maigan dakkasa rung ni de mung laika shawn ai lam galaw lai wa sai. N dai n gun madun ninghkap ai lam hta madung hpyi shawn ai lam ni gaw, ya hkyak hkyak byin nga ai myen mung mungdan dinghku majan lawan ai hku shazim kau na hte, mara kata mare masha ni hpe sat nat zingri lam, hpyen yen tsin yam masha ni hpe garum madi shadaw la na lam, Myu baw sang ningbaw ni hte myen asuya man hkrum hkrum shaga nna mungdan kata na mang hkang lam ni hpe lawan hparan sa wa na lam, Mali Hka Madim masing hpe tsep kawp dawm la kau na lam ni hpe hpyi shawn lai wa sai.
Ya na zawn n gun madun ai hte shara shagu de na Media hpung ni mung saw shaga da ai hte maren hkrum hkrum ra ra sa du let shiga ni hpe sa la mat wa sai hpe mu mada ai.
