MYEN NI TINANG A LAK NAK HTE HKRAT SUM
September (29) bat Mali,
Wunpawng Mungdan Shanglawt Asuya, Sam Mung daju Dap Ba (4) ginra hta Dap Ba (4) de gap bun ai myen tai hpyen ni a 120mm a myak kaba gap nga ai kaw shi chyu kapaw mat nna myen hpyen la (10) hkrat nna (50) ram hkala lai wa sai lam shiga na chye la i.
Dap Ba (4) n pu na KIA myu tsaw share shagan marai (8) gaw tinang a asak hpe ap nawng hkam nna myen tai hpyen ni a 120mm amyawk kaba langai mi hpe sa lu kapaw jahten kau ya lai wa sai lam shiga hpe matut na chye lu ai.
