MYEN A KANI DAWN DABANG HPE KIA NI SHANG HTIM
September (21) ya daina de daw hta Sam Mung Dima mare makau kaw Myen ni hpaw da ai, Shwe Pyi Thit (ေရႊ ျပည္ သစ္) Ka-ni dawn dabang hpe Wunpawng Mungdan Shanglawt Asuya, Sam Mung daju Dap Ba (4) n pu na Dapdung (9) ni sa shang amya kabai kau masai lam shiga na chye lu ai. Dai kaw na Sinat lau 8 hpe lu zing la nna, myen ni rim rawngda ai bawng masha ma hkra hpe mung, dai kaw sin let nga ai Pyada ni hpe mung KIA myu tsaw hpyen hpung ni rim woi mat wa ai lam shiga na chye lu ai.
