JINGHPAW MUNG HTE SAM MUNG NI HTA N SIM N SA GAP NGA
Wunpawng Mungdan Shanglawt Asuya, Sam Mung daju Dap Ba (4) npu Dung (9), (8), (2) ginra de KIA myu tsaw hpyen hpung ni hte myen tai hpyen ni shani shana gap gasat nga ma ai lam shiga na chye lu ai.
Jinghpaw mung KIA Dap Ba (3) gin ra Loi Je mare hte Dap Ba (2) ginra ni hta mung matut manoi gap hkat nga ai lam, myen ni nau machyi sum wa ai majaw lawu myen mung de na tat ma (99), (66), (77) ni hte laga dap ni tsawm ra lung wa na hkyen lajang nga ma ai lam mung na chye lu ai. Wunpawng Mungdan Shanglawt Asuya KIO/KIA kaw na mung grau n gun dat gasat wa sana re lam matut chye lu ai. Dai re majaw Maigan mungdan shara shagu de du nga ai Wunpawng Myu Sha ni yawng mung n gun kaba hte bai shamu shamawt sa wa na lam hpe mung htet shana dat ma ai.
