Lai wa sai June (23) bat (4) ya shani hta Myitkyina No (2) balik dap na Du Tein Win gaw KTC jawng de du sa wa ai lam, KTC rung ntsa de lang dat lung wa let n tsen ai myi hte rung ting yu mada nna hkaw tsun poi a matu dung lahkum sa shap ai re nga tsun wa ai lam, kaja wa nga yang dung lahkum shap ai gaw KTC Rung Gawk hte hpa nseng ai lam buga maha ni kawn tsun dan wa ai.
Nawng Nang ninghtawn rung kaw kin hkap na matu myen hpyen ni gaw mare masha ni hpe lana mi mare masha langai n sa n mai hte shaga taw ai lam, bai dai rung kaw sin ai ni hpe jaw na matu ninghtawn ting hta nga ai nta htinggaw shagu kaw Ks (500) n bang n mai hta nga ai lam mung buga masha ni kawn tsun wa ai.
