LES PAUL (ELECTRIC GUITAR)
Nang Guitar dum ai, Guitar hpe sharawng ai masha langai rai yang gaw Les Paul hpe chye da ra na re. June shata 9 ya shani gaw Les Paul na shangai n htoi rai nga ai. Paul hpe hpa majaw chye da ra na ngu tsun ai gaw Electric Guitar hpe shang nnan gyin shapraw ai gaw Les Paul re ai majaw re. Shi gaw American masha rai nna 1915 ning June shata 9 ya shani shangai nna 2009 August shata 12 ya shani si mat wa ai re.
Shi yu ngwi pinra hta Guitar dum nna shangwi shapyaw nga yang shawa kaw na masha langai gaw Nang dum ai n sen hpa mung nna ai ngu jahtau marawn ai hpe katut sha lai wa sai. Dai majaw Paul gaw n ta du ai hte shawa masha yawng na ai Guitar hpe Ngai gyin shapraw na ngu myit daw dan nna Electric Guitar prat ningnan hpe shangai shapart dat ai wa re. Shi gaw Electric Guitar a ningpawt ninghpang mung rai nga ai.
N dai kaw shi a tsawm htap madat pyaw la ai Guiter dum n sen hpe madat yu ga.
Mut Tsawm
11/6/2011
