ခေါင်းကိုက်လို့ အော်နေရပါသလား .....
လူအများစုဟာ လုပ်ငန်းခွင်မှာ တစ်နေ့လုံး စိတ်ဖိစီးမှုတွေရှိခဲ့ရင် (ဒါမှမဟုတ် အရက်သောက်တာ များသွားခဲ့ရင်) ခေါင်းကိုက်ဝေဒနာခံစားရလေ့ရှိတယ်။ သို့သော် ဘ၀ရဲ့အစိတ်အပိုင်းအဖြစ် တစ်ခါတစ်ရံ ခေါင်းကိုက်တာကို လက်ခံနိုင်ပေမဲ့ အကြိမ်ကြိမ် ခေါင်းကိုက်တာလည်း ဖြစ်လာနိုင်ပါတယ်။ ခေါင်းကိုက်ရတဲ့ အကြောင်းရင်းတွေကတော့ သွေးကြောများ ညှစ်ခြင်း၊ရောင်ရမ်းခြင်း၊ကြွက်သားများ ဖျတ်ခနဲ ရုန်းပြီး ကျုံ့ခြင်း (သို့မဟုတ်) တစ်နေရာမှာ ရောဂါဖြစ်လို့ (ခေါင်းကိုက်ခဲခြင်း)တို့ကြောင့် ဖြစ်နိုင်တယ်။
လူအများစုကတော့ ခေါင်းကိုက်ရင် ခေါင်းကိုက်ပျောက်ဆေးတွေကို ကိုယ့်ဘာသာကိုယ် ၀ယ်သောက်လေ့ရှိတယ်။ သို့သော် ခေါင်းကိုက်တာ မကြာခဏဖြစ်နေရင်တော့ ကိုယ့်ကိုယ်ကိုယ် (သို့မဟုတ်) သင့်ဆရာဝန်ကို အောက်ပါမေးခွန်းများ မေးကြည့်ပါ။
ခေါင်းကိုက်တာ လူနေမှုအကျင့်စရိုက်ကြောင့်လား။
"စိတ်ဖိစီးမှုများတာကြောင့် ခေါင်းကိုက်တာနဲ့ တွဲဖြစ်တတ်တယ်။ စိတ်ဖိစီးမှုများရတဲ့အထဲ အရက်နဲ့ဆေးလိပ်ပါ တွဲလိုက်တော့ ပိုဆိုးရွားသွားစေတယ်" လို့ မက်ကွာရီ ယူနီဗာစီတီရဲ့ စိတ်ကျန်းမာရေးစင်တာမှ စိတ်ပညာရှင် ဂျိုနသန်တက်စ်တန်က ရှင်းပြပါတယ်။ ကြွက်သားတောင့်တင်းနေခြင်း၊ ကသိကအောင့်ဖြစ်ရခြင်း၊(အသေးအဖွဲကိစ္စတွေကြောင့်) စိတ်မကြည်မလင် (အနှောင့်အယှက်)ဖြစ်ခြင်းတို့ကြောင့်နဲ့ စိတ်ပြေလက်ပျောက် စိတ်အပန်းပြေရန် အခက်အခဲဖြစ်နေခြင်းတို့က သင့်ကို ခေါင်းပိုကိုက်စေအောင် ၀န်ထုတ်ဝန်ပိုးဖြစ်စေပါသတဲ့။
ကျန်းမာရေးပညာရှင် ဒေါက်တာချောင်ရင်းချန်ရဲ့ ပြောပြချက်အရ 'သောကကြောင့် ခေါင်းကိုက်တာဟာ အဖြစ်အများဆုံး အမျိုးအစားဖြစ်တယ်၊ ဦးခေါင်းရိုးပေါ် အုပ်ထားတဲ့ကြွက်သားတွေ ကျုံ့တဲ့အတွက်ကြောင့်ဖြစ်တယ်၊ ကိုယ်စိတ်နှစ်ပါးဖိစီးမှုကြောင့် ဖြစ်လေ့ရှိတယ်' လို့ဆိုပါတယ်။
ကျွမ်းကျင်သူရဲ့ အကြံပေးစကား
"သင်ခေါင်းကိုက်တာဟာ စိတ်ဖိစီးမှုကြောင့်လားဆိုတာ သေချာရန် သင့်ဆရာဝန်နှင့်ပြပါ။ ဘာကြောင့်ဖြစ်ရသလဲဆိုတာ စိစစ်ဝေဖန်ပါ" လို့ ဂက်စ်တန်က အကြံပေးပါတယ်။ ယောဂ၊လေ့ကျင့်ခန်း၊အိပ်ရေး၀၀အိပ်ခြင်း၊ ကောင်းစွာအစာစားခြင်းနဲ့ တရားထိုင်ခြင်းများက စိတ်ဖိစီးမှုကြောင့် ခေါင်းကိုက်ခြင်းများကို သက်သာစေနိုင်ပါတယ်။
ခေါင်းကိုက်ရတာ အစားအစာတွေကြောင့်လား
အစာမစားဘဲ နပ်ကျော်သွားရင် သွေးတွင်း အချိုဓာတ် ကျဆင်းသွားတယ်။ အဲဒီ့အခါ သင့်ခန္ဓာကိုယ်ထဲမှာ အက်ဒီနလင် ခေါ် ဟော်မုန်းကို ပိုထွက်စေပါတယ်။ သည်ဟော်မုန်းက သွေးကြောတွေပေါ် သက်ရောက်မှုဖြစ်စေတော့ ခေါင်းကိုက် လာရခြင်းဖြစ်တယ်။ သင်စားတဲ့ အစားအစာတွေကြောင့် သင်ခေါင်းကိုက်တယ်လို့ထင်ရင် အစာမှန်မှန်စားခြင်းနဲ့ အချို ဓာတ်နည်းတဲ့ အဆာပြေစားစရာများက ခေါင်းကိုက်တာကို သက်သာစေနိုင်ပါတယ်။ ကဖင်းဓာတ်၊ MSG ကဲ့သို့ အနံ့ အရသာမြှင့်ထားတဲ့ အစားအစာများ၊ ချောကလက်များနှင့် ချိစ်တို့ကလည်း ခေါင်းကိုက်စေနိုင်ပါသတဲ့။
ကျွမ်းကျင်သူရဲ့ အကြံပေးစကား
ကဖင်းသောက်ခြင်းကို ဖြတ်ရန်ကြိုးစားပါ။ သို့သော် ကဖင်းကို တဖြည်းဖြည်းချင်းဖြတ်ပါ။ နို့မဟုတ်လျှင် ကဖင်းချက်ချင်းဖြတ်တဲ့အတွက် ခေါင်းပိုကိုက်စေနိုင်ပါတယ်။
ဟော်မုန်းတွေကြောင့်ခေါင်းကိုက်တာလား
အချို့သော ခေါင်းကိုက်ခြင်းများဟာ အမျိုးသမီး၏ ရာသီသွေးစက်ဝန်းနှင့် သက်ဆိုင်နှီးနွယ်နေတတ်ပါတယ်။ ရာသီမဆင်း ခင်၊ ဆင်းနေစဉ်အတွင်း သို့မဟုတ် ရာသီလာပြီးနောက် ချက်ချင်းကိုက်တတ်တယ်လို့ ဒေါက်တာချောင်က ရှင်းပြပါတယ်။ ဒါဟာ အီစထရိုဂျင်နဲ့ ပရိုဂျက်စတီဘုန်းဟော်မုန်းတို့ ပြောင်းလဲမှုနှင့် နှီးနွယ်နိုင်ပါတယ်။ အချို့အမျိုးသမီးတွေမှာတော့ ရာသီမလာခင် ခံစားရတဲ့ ရောဂါစုအပြင် အခြားဝေဒနာတွေ နဲ့တွဲပြီး ခေါင်းကိုက်တတ်ပါသေးတယ်။
ကျွမ်းကျင်သူရဲ့ အကြံပေးစကား
လစဉ် သည်အချိန်မျိုးမှာပဲ ခေါင်းကိုက်တတ်တယ်ဆိုရင် ဆရာဝန်နှင့်ပြပါက ခေါင်းကိုက်ပျောက်ဆေး သို့မဟုတ် သန္ဓေ တားဆေးပြားပေးခြင်းဖြင့် ဟော်မုန်းတွေ မှန်ကန်လာအောင် ကူညီပါလိမ့်မယ်။ နဂိုကတည်းက သင်ဟာ သန္ဓေတားဆေး ပြားသောက်နေသူဆိုရင် အခြားအမျိုးအစားမတူတဲ့ ဆေးပြား သို့မဟုတ် ဆေးညွှန်းပြောင်းပေးပါလိမ့်မယ်။ အချို့သော အမျိုးသမီးတွေက ဟိုနီယိုပက်သစ် ကုထုံးနှင့် သက်သာနိုင်ပါတယ်။
မျက်လုံးတွေကြောင့် ခေါင်းကိုက်တာလား
မျက်မှန်ကျွမ်းကျင်သူ ပေါ်လာမိုနာကိုရဲ့ ရှင်းပြချက်အရာ မျက်မှန်ကြောင့်လည်း ခေါင်းကိုက်တတ်ပါသတဲ့။ အထူးသဖြင့် ဒီဂရီမမှန်တဲ့မျက်မှန်၊ ကိုယ်နဲ့ ဒီဂရီမကိုက်တဲ့ မျက်မှန်မျိုး တပ်ဆင်မိလျှင် မျက်စိကြည့်ရတာ အားနည်းပြီး ခေါင်းကိုက်ပါ တယ်။ မျက်စိရောဂါတွေဖြစ်တဲ့ ထောင့်ကျဉ်း၊ ရေတိမ်နဲ့ နားထင်အဆစ်အမြစ် ရောင်ရမ်းပါကလည်း ခေါင်းကိုက်တတ် ပါတယ်။
ကျွမ်းကျင်သူ၏အကြံပေးစကား
မျက်စိမှန်မှန် စစ်ဆေးစမ်းသပ်ပါ။ ကွန်ပျူတာရှေ့ အချိန်အကြာကြီး အချိန်ဖြုန်းလျှင် မိနစ်၃၀ခန့်တိုင်းမှ မျက်စိကိုအနား ပေး၊ အဝေးက သစ်ပင်စိမ်းစိမ်းတွေ စိုက်ကြည့်ပါ။
ကိုယ်ဟန်အနေအထားကြောင့် ခေါင်းကိုက်ရတာလား
စားပွဲကုလားထိုင်မှာ နာရီပေါင်းများစွာကြာအောင် ထိုင်အလုပ်လုပ်ပြီးနောက် သင်ခေါင်းကိုက်လာတယ်ဆိုရင် ဒီပြဿနာ ကတော့ သင့်ရဲ့ ကိုယ်ဟန်အနေအထားကြောင့် ဖြစ်နိုင်တယ်။ ဘာဖြစ်လို့လဲဆိုတော့ စားပွဲပေါ် လက်နှစ်ဖက်ထောက် လိုက်ရင် သင့်ရှပ်အင်္ကျီ ပခုံးချုပ်ရိုးကြောင်းအပေါ်မှာ နားရွက်နှစ်ဖက်က ချိန်လုနီးပါးဖြစ်နေခြင်း သို့မဟုတ် သင်ထိုင်တဲ့ ကုလားထိုင်က သိပ်မြင့်လွန်း(သို့) နိမ့်လွန်းတဲ့အတွက် ခန္ဓာကိုယ်က တောင့်တောင့်ကြီး အလုပ်လုပ်ရတဲ့အတွက် ကိုယ် အနေအထားမမှန်တော့ ကြာရှည်လာတဲ့အခါခေါင်းကိုက်လာရခြင်းဖြစ်တယ်။
ကျွမ်းကျင်သူရဲ့ အကြံပေးစကား
အခြားကိုယ်ဟန်အနေအထားတွေကလည်း ခေါင်းကိုက်ခြင်းကို ဖြစ်ပေါ်စေနိုင်ပါသေးတယ်။ ဥပမာ ၀မ်းဗိုက်ကိုခေါက်ပြီး အိပ်ပျော်သွားမိတာ စားပွဲပေါ်မှာ ခေါင်းအုံးမအုံးဘဲ အိပ်ပျော်သွားတာတွေကလည်း ခေါင်းကိုက်နိုင်သေးတာပဲ။ လည်ပင်းကို ထောက်ကူပြီး သက်သောင့်သက်သာဖြစ်စေတဲ့ ခေါင်းအုံးတစ်လုံး ထားပြီး အိပ်ရပါမယ်။ ဒါမှမဟုတ်ရင် လည်ပင်းကြီးခေါက်ပြီး ခေါင်းကိုက်နိုင်တယ်။
သွားတွေကြောင့် ခေါင်းကိုက်တာလား
သွားတွေနဲ့ အစာကိုကြိတ်ဝါးခြင်း သို့မဟုတ် အံကြိတ်ခြင်းကလည်း ခေါင်းကိုက်စေပါသတဲ့။ ခံတွင်းနဲ့ မေးရိုးရောဂါ အထူးကုဆရာဝန် ဒေါက်တာ တောဘတ်ဖော်စ်ရဲ့ ရှင်းပြချက်အရ ခံတွင်းနှင့် မေးရိုးရောဂါတွေကြောင့် ဦးခေါင်းတစ်ဖက်တစ်ချက် မျက်လုံးအထက်နားဆီမှာ ခေါင်းကိုက်ဝေဒနာ ခံစားနိုင်ပါတယ်တဲ့။ မေးရိုးအဆစ်အမြစ်များ ချက်ကနဲမြည်ပြီး နားကိုက်နိုင်ပါသတဲ့။
ကျွမ်းကျင်သူရဲ့ အကြံပေးစကား
သင်ဟာ သွားခေါနေသူဖြစ်လျှင် အစာဝါးတဲ့အခါ ရှေ့ကိုပိုကိုက်မိတာ သို့မဟုတ် အောက်က သွားတွေနဲ့ပေါင်းပြီး ၀ါးလို့ မရတာတွေ ရှိနိုင်တယ်။ အဲဒီအခါ မေးရိုးဆိုင်ရာရောဂါတွေ ပြဿနာတွေ ဖြစ်လာနိုင်တယ်။ ဒါကြောင့်သွားဆရာဝန်နှင့် တိုင်ပင်ပြသပါ။
ဦးနှောက်ကြောင့် ခေါင်းကိုက်တာလား
ဦးနှောက်ဟာ ခေါင်းကိုက်တဲ့ဝေဒနာ မခံစားရပါ။ သို့သော ဦးနှောက်အနီးပတ်ဝန်းကျင်ရှိ အရာများဖြစ်တဲ့ ဦးနှောက်အမြှေး ပါး၊ ဦးနှောက်သွေးကြောနဲ့ ဦးခေါင်းခွံအတွင်း လေလမ်းကြောင်းတွေကြောင့် ခေါင်းကိုက်နိုင်ရတယ်လို့ ဦးနှောက်နှင့် အာရုံ ကြောအထူးကုဆရာဝန် ဒေါက်တာ ဟန်ရစ်ကရန့်ဇ်က ရှင်းပြပါတယ်။ သွေးကြောတွေ ကျယ်လာ(သို့) ကျဉ်းလာတဲ့အခါ နာကျင်ကိုက်ခဲတတ်တယ်။ အမြင်ပြောင်းလဲလာတယ်။ မအီမသာဖြစ်လာတယ်။ ခြေလက်ထုံကျင်တတ်တယ်။ တစ်ခါတစ်ရံသွေးကြော ဖောင်းလာပြီး သွေးကြောတွေ ပေါက်ထွက်သွားကာ ဦးနှောက်သွေးကြောပြတ်တတ်ပါသေးတယ်။ သတိထားသင့်တဲ့ တစ်ချက်ကတော့ ရုတ်တရက် ခေါင်းကွဲမတတ် ထိုးပြီး ခေါင်းကိုက်ရင် ဒါဟာ အရေးပေါ်ဆေးကုသဖို့ လိုတယ်။
ကျွမ်းကျင်သူရဲ့ အကြံပေးစကား
ရုတ်တရက် ချက်ခြင်း ပုံမှန်မဟုတ်ဘဲ ခေါင်းကိုက်ပါက အရေးပေါ် ဆေးကုသမှု လိုအပ်တယ်။ မျက်စိပြာ/၀ါးသွားခြင်း မျိုးရှိခဲ့လျှင် (သို့မဟုတ်) အဖျားရှိလျှင် (သို့မဟုတ်) အပြုအမူဆိုင်ရာပြောင်းလဲမှုရှိရင် အရေးပေါ်ချက်ခြင်း ကုသရန်လို သည်။ မကြာခဏ ခေါင်းကိုက်လာရင် ခေါင်းတစ်ခြမ်းကိုက်တဲ့ မိုင်ဂရိန်း ဖြစ်နိုင်ပါတယ်။
ခေါင်းကိုက်ပျောက်ဆေးကို ကိုယ့်ဘာသာကိုယ်သောက်တာထက် တတ်ကျွမ်းတဲ့ ဆရာဝန်နှင့် ကုသမှုခံယူပါ။ အချို့သော ခေါင်းကိုက်ပျောက်ဆေး တွေဟာ လူကိုပိုပြီးဆိုးစေတတ်ပါတယ်။
ဒေါက်တာဖြူပြာနွယ်
