Myen n'gun Jinghpaw mung de grau jat bang.
Myen gumshen hpyen asuya gaw shahte a ga jarit sin hpyen hkrang galai na matu n hkap la ai mungdaw ni de ya ten hta hpyen n gun grau shalaw jat bang nga ai lam gaw shani shagu ngu na dingyang rai nga ai hpe sawk sagawn chye lu ai.
Grau na gaw jinghpaw wunpawng mungdan , Karen hte Hpunau Sam mungdaw ni hpang de madung dat hpyen n gun jat jahpring nga ai re.
Ya daini na ten du hkra rai tim tinang ginjaw KIO/A , Hpung woi ni hte jinghpaw mungchying sha ni yawng mung Myen gumshen hpyen asuya a ga jarit sin hpyen hkrang hpe n hkap la ai sha, Tinang Jinghpaw wunpawng mungdan hpe myen hte n gayau ai sha tinang a hkrang hte tinang mungdan jarit sin makawp maga na matu myen asuya de tang shawn da ai a ten langai mung rai nga ai.
Raitim; n dai zawn rai lahkawng maga atsawm sha jawm bawngban jahkrum nga ai ten hta myen gumshen hpyen asuya gaw, ya na zawn jinghpaw wunpawng mungdan de hpyen n gun shalaw jat bang ai lam gaw rapra ai lam n nga jahkrit shama dipup nga ai lam mung rai nga ai.
Mungchying sha ni a ningmu gaw; dawdap hta atsawm sha bawngban jahkrup yu yang masan sa ai lam n nga shanhte ra sharawng ai lam hpe n byin n mai atik anang rai wa jang gaw moi na zawn bai gasat gap hkat na matu grau na myitra sharawng nga ai hpe mung sawk sagawn chye lu ga ai.
